Կղզի, որի համար բնությունը ստեղծել է առանձին գույներ։
Ատլանտյան օվկիանոսի խորքերում, մայրցամաքից հազարավոր կիլոմետրեր հեռու, թաքնված է մի կղզի, որտեղ ճանապարհները կորչում են կապույտ հորտենզիաների (դրախտավարդերի) մեջ, իսկ կանաչն այնպիսի խորը ու անսովոր երանգ ունի, որ թվում է՝ բնությունն այստեղ իր համար առանձին գույներ է ստեղծել։
Ճանապարհները տանում են դեպի հին հրաբուխների խառնարաններում գոյացած լճեր, մամռապատ ու մշուշի մեջ կորած անտառներ, ջրվեժներ և բարձր ժայռեր, որոնց ներքևում անսահման Ատլանտյանն է։ Մի կողմում թեյի վառ կանաչ պլանտացիաներն են, մյուսում՝ սև հրաբխային ավազով ափերը, իսկ կղզու խորքում գետնից բարձրացող գոլորշին հիշեցնում է, որ այս ամբողջ դրախտային կանաչի տակ հրաբխային աշխարհ է։
Սա Սան Միգելն է, որտեղ մենք կտեսնենք իրական դրախտ երկրի վրա։
A little closer to paradise
03The first escape
Girly Escape to the Blue — հենց այսպես ցանկացա անվանել մեր առաջին ճանապարհորդությունը դեպի Սան Միգել կղզու կապույտի անսահմանություն։
Կտեսնենք միլիոնավոր հորտենզիաներ՝ կապույտի բոլոր երանգներով, հրաբխային լճեր, ջերմային աղբյուրներ ու թեյի պլանտացիաներ։ Կունենանք նավով ուղևորություն բաց Ատլանտյան օվկիանոս՝ կետերին ու դելֆիններին իրենց բնական միջավայրում տեսնելու համար, և, իհարկե, կլինեն անակնկալներ։
Իսկ երեկոները կթողնենք մեզ համար՝ երկար ընթրիքների, գինու, անկեղծ ու խորքային զրույցների և այն հատուկ աղջկական մթնոլորտի համար, որի համար էլ հենց այս ճանապարհորդությունը կոչվում է Girly Escape to the Blue։
04The island
Հինգ օր կապույտի ու կանաչի աշխարհում։
Մի ճանապարհորդություն, որտեղ յուրաքանչյուր օր ունի իր բնապատկերը, իսկ յուրաքանչյուր երեկո՝ իր զրույցը։
01
Հրաբխային լճեր
Հին խառնարաններում գոյացած լճեր, բարձր ժայռեր և մշուշի մեջ կորած կանաչ լանդշաֆտներ։
02
Ջրվեժներ և ջերմային աղբյուրներ
Մամռապատ անտառներ, ջրվեժներ և կղզու հրաբխային ուժը հիշեցնող տաք աղբյուրներ։
03
Թեյի պլանտացիաներ
Հրաբխային հողում աճող թեյ, և թեյախմություն Եվրոպայի պատմական թեյի պլանտացիաներում։
04
Կետերի և դելֆինների դիտում
Նավով ուղևորություն՝ կետերին ու դելֆիններին իրենց բնական միջավայրում տեսնելու համար։
05Time to wander
Երթուղին մտածված է այնպես, որ տեսնենք լավագույնը։
Ես ստեղծել եմ այս ճանապարհորդությունը փոքր խմբի համար՝ հինգ օրով կտրվելու սովորական առօրյայից և միասին բացահայտելու Ազորների այն վայրերը, որոնց համար արժե անցնել հազարավոր կիլոմետրեր։
Առանց ճանապարհորդությունը մրցավազքի վերածելու՝ ժամանակ կունենանք կանգ առնելու, զգալու, լուսանկարելու, երկար նստելու հերթական շքեղ բնապատկերի մոտ և պարզապես վայելելու այն, ինչի համար եկել ենք։
Ocean views, long dinners and deep talks.
06July in bloom
Ինչո՞ւ հենց հուլիսին
Այս ճանապարհորդության համար հուլիսն ընտրված է ոչ պատահական։
Մենք Սան Միգել ենք գնալու հենց այն շրջանում, երբ հորտենզիաները ծաղկման ամենագեղեցիկ փուլում են, և կղզու ճանապարհները պատվում են կապույտի անհավանական երանգներով։
Ուզում եմ, որ Ազորները տեսնենք հենց այնպիսին, ինչպիսին պատկերացնում ենք՝ խորը կանաչ, օվկիանոսային մշուշ և ճանապարհների երկու կողմերով ձգվող միլիոնավոր ծաղկած կապույտ հորտենզիաներ։
Մասնավոր տրանսպորտ և վարորդ ամբողջ ճանապարհորդության ընթացքում
Ծրագրով նախատեսված էքսկուրսիաներն ու այցելությունները
Նավով ուղևորություն բաց Ատլանտյան օվկիանոս՝ կետերին և դելֆիններին իրենց բնական միջավայրում տեսնելու համար
Ջերմային աղբյուրների և ծրագրով նախատեսված այլ վայրերի մուտքավճարներ
Շենգենյան վիզայի ստացման գործընթացի վերաբերյալ տեղեկատվական աջակցություն
Ճամփորդական ապահովագրություն
Կազմակերպչական և ուղեկցման բոլոր ծախսերը
08The details
Ճանապարհորդության արժեքը
1,400,000
դրամմեկ մասնակցի համար
Վաղ ամրագրում
1,200,000դրամմինչև սեպտեմբերի 30-ը
Ավիատոմս
Ավիատոմսը ներառված չէ ճանապարհորդության արժեքի մեջ։ Այս պահի դրությամբ ավիատոմսի արժեքը սկսվում է մոտ 300,000 դրամից։
Ավիատոմսերի գները փոփոխական են և կախված են ամրագրման ամսաթվից ու տվյալ պահին առկա տարբերակներից։ Ամրագրման պահին ձեզ կառաջարկենք տվյալ օրվա դրությամբ հասանելի լավագույն տարբերակն ու արժեքը։
Լրացուցիչ ծառայություն
Պրոֆեսիոնալ ֆոտո և դրոնային նկարահանում՝ ըստ ցանկության, հավելավճարով։
09Together
Այս անգամ՝ միասին
Այս անգամ ես պարզապես չեմ պատմելու այս ճանապարհորդության մասին։ Ողջ ընթացքում լինելու եմ ձեր կողքին, բացահայտելու և ապրելու ենք այս հեքիաթը միասին։
